पणजी: सुलेमान उर्फ सिद्दीकी खान ( Suleman Khan, also known as Siddiqui Khan) याच्या अटकेनंतर त्याच्या गुन्ह्यांची चौकशी सुरू आहे असे पोलिसांकडून सांगण्यात येत असले तरी त्याच्या पळून जाण्याच्या दिवसापासून त्याला पुन्हा अटक करून गोव्यात आणेपर्यंत सोशल मिडियात व्हायरल झालेल्या त्याच्या दोन वादग्रस्त व्हिडिओंच्या सत्यतेबाबत मात्र पोलिसांकडून अद्यापही मौन बाळगण्यात आले आहे.
डिसेंबरमध्ये कोठडीतून पळून गेलेल्या सुलेमानने १५ डिसेंबर रोजी एक व्हिडिओ रेकॉर्ड केला होता, ज्यामध्ये बडतर्फ केलेले कॉन्स्टेबल अमित नाईक, डीवायएसपी सूरज हलरणकर आणि एसपी राहुल गुप्ता यांना पळून जाण्यास मदत केल्याचे म्हटले होते. तथापि, २३ डिसेंबर रोजी प्रसिद्ध झालेल्या दुसऱ्या व्हिडिओमध्ये (second viral video ) त्याने आपले पूर्वीचे विधान मागे घेतले आणि आरोप केला की अॅड अमित पालेकर यांनी कायदेशीर मदतीच्या बदल्यात पोलिस अधिकारी आणि राजकीय व्यक्तींची नावे घेण्यास भाग पाडले होते.
दरम्यान सुलेमानचा पहिला व्हिडिओ आपचे अध्यक्ष अमित पालेकर ( AAP Predident Amit Palekar ) यांनी कॉन्ग्रेस उपाध्यक्ष सुनील कवठणकर यांच्यामार्फत प्रसारमाध्यमांपर्यंत पोहोचवला असल्यामुळे २३ डिसेंबर २०२४ ते ८ जानेवारी २०२५ पर्यंत पालेकर यांची ओल्ड गोवा पोलिस स्थानकात तीनवेळा चौकशी करण्यात आली आहे .
दुसरीकडे सुलेमानसोबत २३ डिसेंबर रोजी अटक करण्यात आलेल्या त्याची पत्नी अफसाना उर्फ सारिका खान ( Afsana Khan ) हिला १ जानेवारी रोजी म्हापसा न्यायालयाने जामीन मंजूर केला. अॅड. राकेश नाईक यांच्या वतीने बोलताना अफसाना हिने युक्तिवाद केला की तिला केवळ सुलेमानशी असलेल्या संबंधांमुळे ताब्यात घेण्यात आले आहे.
न्यायालयाने तिला आरोपपत्र दाखल होईपर्यंत महिन्यातून दोनदा गुन्हे शाखेसमोर हजर राहण्याचे आणि २५, हजार रुपयांचे जामीनपत्र भरण्याचे निर्देश दिले. दोन मुलांची आई असलेल्या अफसाना हिने जामीन मागण्याचे प्रमुख कारण तिच्या मुलांचे शिक्षण बिघडलेले असल्याचे सांगित
सिद्धीकी खान पलायन ,अटक आणि व्हिडीओ घटनाक्रम ( Timeline of Events)
१२-१३ डिसेंबर २०२४ (२:३० पहाटे ): कॉन्स्टेबल अमित नाईकच्या मदतीने सुलेमान खान गुन्हे शाखेच्या ताब्यातून पळून गेला
१३ डिसेंबर २०२४ (शुक्रवार रात्री) : कॉन्स्टेबल अमित नाईक हुबळी पोलिसांसमोर शरण आला.
१५ डिसेंबर २०२४ : सुलेमानचा पहिला व्हिडिओ प्रसिद्ध ज्यात सुलेमानने आरोप केला की उच्चपदस्थ पोलिस अधिकारी आणि राजकीय व्यक्ती त्यांच्या हत्येच्या कटात सहभागी होते आणि त्यांचे पलायन हुबळी येथे सोडणाऱ्या १२ पोलिसांच्या पथकाने घडवून आणले होते. त्यांनी सीबीआय चौकशीची विनंती केली
१६ डिसेंबर २०२४ : डीजीपी आलोक कुमार यांनी सुलेमानचा पहिला व्हिडिओ तपास वळवण्याची युक्ती म्हणून फेटाळून लावला आणि तो अविश्वसनीय असल्याचे म्हटले.
२३ डिसेंबर २०२४ (सकाळी) : सुलेमानचा दुसरा व्हिडिओ समोर आला ज्यात त्याने कॉन्स्टेबल अमित नाईकची फसवणूक केल्याची कबुली दिली आणि अॅड अमित पालेकर यांच्यावर अधिकारी आणि राजकीय नेत्यांची नावे घेण्यास भाग पाडल्याचा आरोप केला आणि व्हायरल व्हिडिओ त्याच्या संमतीशिवाय हाताळण्यात आल्याचा दावा केला.
२३ डिसेंबर २०२४ (दुपारी) : मुख्यमंत्री प्रमोद सावंत यांनी घोषणा केली की सुलेमानला दोन दिवसांपूर्वी केरळमध्ये अटक करण्यात आली होती. हे विधान प्रश्न उपस्थित करते, कारण सुलेमानचा दुसरा व्हिडिओ त्याच दिवशी प्रसिद्ध झाला होता.
२३ डिसेंबर २०२४ (संध्याकाळी) :सुलेमानला गोव्यात परत आणण्यात आले. डीजीपी आलोक कुमार यांनी पत्रकार परिषदेत सुलेमानच्या पहिल्या व्हिडिओमधील आरोपांचे खंडन केले परंतु दुसऱ्या व्हिडिओवर भाष्य करण्यास टाळाटाळ केली.
आप अध्यक्ष अमित पालेकर यांची दोन्ही व्हिडिओंबद्दल जुने गोवा पोलिसांनी चौकशी केली.
२३ डिसेंबर २०२४ ते ८ जानेवारी २०२५ दरम्यान पालेकर यांची अनेक वेळा चौकशी करण्यात आली, ८ जानेवारी २०२५ रोजी चौकशीचा तिसरा टप्पा सुरू झाला.